Jer 24 | NdeIBE | STEP | Emva kokuba uJehoyakhini indodana kaJehoyakhimi inkosi yakoJuda lezikhulu, izingcitshi kanye lezisebenzi zakoJuda sebethunjwe eJerusalema basiwa eBhabhiloni nguNebhukhadinezari inkosi yaseBhabhiloni, uJehova wangitshengisa izitsha ezimbili zomkhiwa zibekwe phambi kwethempeli likaJehova.

Jeremiah 24

Izitsha Ezimbili Zomkhiwa

1 Emva kokuba uJehoyakhini indodana kaJehoyakhimi inkosi yakoJuda lezikhulu, izingcitshi kanye lezisebenzi zakoJuda sebethunjwe eJerusalema basiwa eBhabhiloni nguNebhukhadinezari inkosi yaseBhabhiloni, uJehova wangitshengisa izitsha ezimbili zomkhiwa zibekwe phambi kwethempeli likaJehova. 2 Esinye isitsha sasilomkhiwa omuhle kakhulu, njengovuthwa kuqala; esinye isitsha sasilomkhiwa omubi, ubolile ungeke wadleka.

3 UJehova wasesithi kimi, “Kuyini okubonayo, Jeremiya?” Ngathi, “Ngumkhiwa. Omuhle muhle kakhulu, kodwa omubi ubole kakhulu ungeke udliwe.”

4 Ilizwi likaJehova laselifika kimi lisithi,

5 “UJehova, uNkulunkulu ka-Israyeli uthi, ‘Njengalo umkhiwa omuhle, ngibathatha njengabalungileyo abathunjwa bakoJuda, engabasusa kule indawo ngabasa elizweni laseBhabhiloni. 6 Amehlo ami azabakhangela kokuphela, njalo ngizababuyisa kulelilizwe. Ngizabakha ngingabadilizi; ngizabahlanyela ngingabasiphuni. 7 Ngizabapha inhliziyo yokungazi, ukuthi mina nginguJehova. Bazakuba ngabantu bami, mina ngibe nguNkulunkulu wabo, ngoba bazabuyela kimi ngenhliziyo yabo yonke.

8 “ ‘Kodwa njengomkhiwa omubi, obolileyo ongeke udliwe,’ kutsho uJehova, ‘ngizamphatha kanjalo uZedekhiya inkosi yakoJuda, lezikhulu zakhe kanye labasindayo eJerusalema, langabe basele kulelilizwe loba baseGibhithe.

9 Ngizabenza bazondakale njalo babe yisinengiso kuyo yonke imibuso yasemhlabeni, insolo lesiga, into yokuhlekwa lokuthukwa, loba kungaphi engibaxotshela khona.

10 Ngizathumela inkemba, indlala lomkhuhlane baze babhujiswe baphele elizweni engabanika lona kanye labokhokho babo.’ ”